New Delhi, Rymphang:
Ka Supreme Court ha ka Lah Sngi U Blei ka la phah shithi halor ka jingkyrpad jamin jong u MP ka seng Aam Aadmi Party u Sanjay Singh, uba la shah kynnoh donkti ha ka jingkamai ïa ka spah bymhok kaba la mih na ka jingpyn-dkoh treikam hapoh ka tnat Excise ha Delhi.
Ka kynhun jong ki nongbishar kaba kynthup ïa u Sanjiv Khanna bad u Dipankar Datta ka la phah da ka shithi sha kaEnforcement Directorate (ED) ha kaba ïadei bad ka jingpan jamin jong u Singh kaba long halor ka jingpynibor pyrshah halor ka hukum jong ka High Court kaba la long ha ka 7 tarik, Rymphang kaba la kyntait ban ai jamin ïa u.
Kum u nongmih khmat na ka bynta jong u, u Senior Advocate A M Singhvi u la ong ba ka jingmudui jong u Singh ka long ban pynibor pyrshah halor ka hukum ban shahkem kaba la dei ban long ha ka 5 tarik, Lber, ha kaba hadien kane ka ïingbishar ka la buh shwa ïa ka jingkyrpad jamin ha ryngkat jong ka, ha kane ka sngi la buh kum ka sngi ban bishar bniah halor kane ka jingkyrpad.
