Budapest, Rymphang:
Ka ïingdorbar thaw-aiñ jong ka Hungary ha ka Sngi Nyngkong ka la ai ia ka rai jingmynjur halor ka jingpynrung dkhot thymmai ia ka Sweden sha ka kynhun NATO. Kane ka jingpynrung dkhot thymmai jong ka NATO ka long hadien ka jingleit hiar thma jong ka Russia ia ka Ukraine. Kumta la ong ba ki la don katto katne tylli ki ri hadien ba la iohi ia ka thma Russia bad Ukraine, ki la leit ban pyniasoh noh ialade sha ka NATO namar ki jingma kiba ap ia ki na kito ki ri kiba heh kum ka Russia bad kiba lah ban leit thombor ia ki ha kano-kano ka por.
