Shillong, Rymphang 28
Ka Nongthymmai SS&CC bad ka Sawmer SC kin ïakhun nyngkong ha ka sngi sdang ïa ka lympung ïalehkai jong ka Shillong Premier League 2023-24 ha ka 15 tarik u Lber ha SSA Stadium, Polo.
Ïa kane ka rai la shim ha ka jingïalang jong ka Tournament Committee jong ka Shillong Sports Associa-tion (SSA) kaba la shong ha ka janmiet jong ka sngi Balang. Katba ïa ka jingpyllait na ka bynta kane ka lympung kan long ha ka 12 tarik.
Kumba ka paw ka Sawmer ka dei ka kynhun kaba la wanphai biang sha ka SPL hadien ba ka la lah ban ïalehkai bha ha ka First Division jong ka aïom ïalehkai ba la lah, katba kan dei ka sien kaba nyngkong ïa ka Nongthymmai.
Kiwei pat ki kynhun ki kynthup ïa ka Mawlai Sports Club kaba long ka lahduh ha ka aïom ba la lah, kumjuh ka Rangdajied United FC kaba long ka lahduh jong ka Meghalaya State League 2023, ka Shillong Lajong FC, Langsning FC, ka Ryntih SC bad ka Nangkiew Irat SC.
