Guwahati, Rymphang:
Ki pulit Assam ha ryngkat ka jingïatreilang bad ki pulit ka New Bongaigaon GRP da ka jingjop ki la ïoh ban pyllait ïa arngut ki longkmie ha New Bongaigaon Railway Station kiba la shah die sha Haryana.
Kum shi bynta ban pyntreikam ha kaba ïadei bad ka jingïoh jingtip halor kane, ki pulit jong ka Jogighopa bad ka New Bongaigaon GRP ki la ïoh ban kem ïa uwei u briew ba la tip kyrteng kum u Zahiruddin Poddar uba la thmu ban die ïa kine arngut sha Haryana halor ka jingthmu ban wan ïalam noh ïa kawei ka samla kaba la dep shah die hashwa.
Ka kynhun jong ki pulit ka New Bongaigaon GRP bad jong ka Jogighopa ki la ïoh ban pyllait ïa kine ki arngut bad kem ïa u Zahiruddin. Ha kaba ïadei bad ka jingujor ba la buh da ki bahaïing jong ka samla kaba la shah die hashwa ïa ka mukotduma kaba 11/24 la buh ha ka jaka treikam jong ki pulit ka Jogighopa.
Ka jingtohkit jong ki pulit ha kaba ïadei bad ka jingjia ka dang ïaid shakhmat.
Ha kaba ïadei bad kane la ïoh jingtip ba u Zahiruddin u la ïatreilang bad uwei u briew ba la tip kyrteng kum u Rahim ha kaba mynta une u dang phet rieh na kti jong ki pulit.
