Shillong, Rymphang 29
Ka Shillong Cricket Association (SCA) kan sdang noh ïa ka lympung ïalehkai Super Division Cricket League naduh 5 tarik u Lber ha kane ka nongbah.
Ha kane ka lympung ki don haduh 12 tylli ki kynhun ïa kiba la phiah ha ki ar tylli ki group. Ha ka Group-A ki long ka Sputnik CC, Sunrise CC, Nongmensong CC, Sporting CC, Royal CC bad ka United XI, katba ha ka Group-B ki long ka Rangkynsai CC, Raj Bhavan, Meghalaya Police (MLP), Langsning CC, Spartan CC bad ka NFU.
Ki kynhun ki ban ïakhun nyngkong ha katei ka sngi sdang kin long hapdeng ka Sputnik pyrshah ïa ka Sun -rise. Ha ka sngi kaba bud ka Rangkynsai ïa ka Raj Bha -van. Ha ka 9 tarik ka Rangkynsai kan ïakhun pyrshah ïa ka MLP, kumjuh ha ka 10 tarik ka Spartan ïa ka NFU. Ha ka 12 tarik ka Raj Bhavan pyrshah ïa ka Langsning CC, ha ka 13 tarik ka Nongmensong ïa ka Sporting, ha ka 14 tarik ka Royal ïa ka United XI, ha ka 15 tarik ka Sunrise ïa ka Nongmensong bad ka Rangkynsai ia ka Langsning ha ka 16 tarik nalor kiwei pat.
