Shillong, Rymphang:
Ka Tata AIA Life Insurance (Tata AIA), kawei na ki kompani Life Insurance kaba paw bha ha India, ka la pynmih ïa ka jingshakri bathymmai bad ka phang jong ka ïa kaba la tip kum ka, ‘HarWaqtKeLiyeTaiyaar’. Kane ka mat phang kaba thymmai ka phai khmat sha ka jingïatehlok bad ki nongbuh pisa lyngba bun ki lad ki lynti ki ban ïarap ïa ki ba kin ïoh ïa ka jingim khlem jingkhuslai ne ka fikar-free. Kane ka sienjam treikam bathymmai ka nang pynïar shuh shuh ïa ka jingphai khmat kane ka kompani ha ka rukom treikam ha kaba ïadei bad ka jingïada, ïa kaba la don ruh ha ki mat phang kiba kham ha shwa jong ka ‘Rakshakaran Ki Reet’. Kumta ka ailad ïa ka Tata AIA ban long kaba kham ïahap shuh shuh bad ki nongbuh pisa bad nang pynbha shuh shuh ïa ki bynta ba kyrpang ha ka jingim jong ki.
Ka jingïalap paidbah ïa kane ka phang ka long kaba la ak da u Brand Ambassador, ka India uba long u nongïalehkai Sport ba paw u Neeraj Chopra, ha kaba la ïohi ïa u ha ki rukom long bapher bapher kum u nongïathuh lypa ïa ka ban sa jia ha ka jingim da ka jingïoh ïa ki lad ki lynti na ka Tata AIA Life Insurance. Ka jingthaw ïa kane ka khana ka don ruh ka jingbiria bad ha ka juh ka por ka ai pat ïa ka khubor kaba kit jingmut sha ki nongbuh pisa ba barobor ki dei ban long kiba pynkhreh bad pynurlong ïa ka jingangnud jong ki, da ka jingkyrshan ka Tata AIA. Ka jingleh ïa ka jingwad jingtip hadien ba la dep ban pyllait ïa kane ka jingïalap paidbah ka pyni ba kumba 96% na ki 500 ngut kiba la jubab ki da sngewtynnad/ïeid ïa kane ka jingïalap bad kane ka khubor. Ka jingjop jong kane ka jingïalap paidbah ka long namar ka jinglah ban pynïasoh bad ki briew na ki bynta bapher bapher jong ka Bharat. U Girish Kalra, Chief Marketing Officer, Tata AIA u ong, “Ka long kaba ïahap bad ka jingpyrshang jong ngi ban wanrah ïa kine ki buit thymmai ha ka liang ka Insurance, ban pynïoh spah, ban don ïa ki lad ki lynti ha kaba ïadei bad ka jingkoit jingkhiah bad ka lad ki lynti na ka bynta ban shongthiat kumjuh ruh da ka jingai ïa ka ‘jingshakri kaba bha tam’ barobor sha ki nongbuh pisa.”
