Shillong, Rymphang 29
Ka shi kol ba la thep da u rangïalehkai shapdeng ka Brazil u Casemiro ka la biang pura ïa ka Manchester United ban pynliem ïa ka Nottingham Forest da 1-0 kol.
Kane ka shi kol kaba la ïoh ban thep ha ka minit kaba 89 ka la pynlong ïa ka United ban jam sha ka quarter-final ha ka quarter-final FA Cup ha ka Sngi Balang.
Utei u rangïalehkai ba la 32 snem ka rta u la ïoh ban pyndei da ka khlieh ha ka free kick ba la shut a u Bruno Fernandes.
Kane ka kol kaba kongsan kan dei tang kaba pynlong ïa ka United ban jam sha kawei pat ka wat jingïakhun hyneri ka la long ruh ka jingai mynsiem ïa kane ka kynhun ba kan dang ïai bteng ban ïalehkai bha ha kane ka aïom. Namar kata, ka la don jingkyrmen ruh ban kynjoh ïa ka nam lahduh kaba 12 sien ha ka FA Cup.
Jar la katta, ka la ïoh ban thep ïa katei ka kol, hynrei u manager Erik ten Hag lem bad ka kynhun jong u ki dangbishar bniah lyngba ka VAR namar ka lah ban dei ka offside. Hynrei hadien ba la pynthikna ba ki paidbah nongkyrshan ka United ki la ïoh ban lehkmen.
Da kane ka jingjop ka Manchester United kan pynkhreh ban ïakhun pyrshah ïa kawei pat ka kynhun kaba la lamkhmat ha ka Premier League ka Liverpool lane kawei pat ka kynhun ïalehkai jong ka Championship ka Southampton ha ka quarter-final ka ban long ha u bnai ban wan.
