Shillong, Lber 01
Ka Nongthymmai S&CC ka la pynliem noh ïa ka Malki SC da 113 run na ka bynta ban khur ïa ka jingjop ha ka lympung ïalehkai First Division Shillong Cricket League ba la pynïaid da ka Shillong Cricket Association.
Ha kane ka jingïakhun kaba la long ha ka Sngi Thohdieng ha madan Polo, ka Malki kaba la jop ïa kynting pisa, ka la ailad shwa ïa ka Nongthymmai ba kan tied nyngkong bad ïoh 287 run na bynta ban duh 8 wiket ha ki 40 over. U Raja Lama u la ïoh ban tied haduh 129 run na ki 95 bol bad u Kunal Lama u la ïoh 57 run na ki 76 bol. Katba u Sylvester u la khur 3 wiket na ka bynta ka Malki.
Haba wan beh ïa ka thong, ka Malki SC ka la ïoh tang 174 run bad shah pynhap 9 wiket ha ki 40 over. U Heimon Lyngdoh u la tied 40 run na ki 45 bol bad u Nick Dann u la ïoh 46 run na ki 55 bol. Katba u Badonnam Mylliem-ngap bad u Ram Najiar ki la khur mar 3 wiket na ka bynta ka Nongthymmai. Ïa ka nam Player of the Match la khur da u Raja Lama.
