New Delhi, Rymphang:
Kum shi bynta ban ai jubab halor ka jingpynshisha jong ki nongïalam jong ka seng AAP jong ka jingpynsangeh jong u L-G VK Saxena ïa ka jingpyntreikam halor ka Solar, ka khubor kaba la wan na ki heh sorkar ha Raj Niwas ka la la ong ba ka sorkar ka la ïalam bakla ïa ki paidbah.
Ki heh ba dei khmih ki la ong ba ka jingpynshisha jong ka sorkar ba la pynsangeh ïa ka jingtreikam jong ka Solar ka dei tang ka jingpynsngewthuh bakla namar ba u L-G um shym la pynsangeh satia ïa ka jingpyntreikam.
Ki la ong ba kane ka jingpyntreikam ka duna bha ha ki kam shakri ha kaba ïadei bad ka jingpynduna ïa ka bai bording bad ha ka jaka kane, la kynthup lang ïa ka jingai jingmyntoi sha ki kompeni jong ki riewshimet halor ka jingmyntoi jong ki bad u L-G u la pan ka jingpynshai la kane ka jingpyntreikam ka ïaid ryngkat ne em bad ka jingai jingmyntoi kaba la wan na ka sorkar kmie.
“Kumba ka dei ka jingmlien jong ki, ka sorkar Delhi ka ju thok ju shukor ha ka ban ïalam bakla ïa ki briew. U L-G um shym la pynduh ne pynsangeh ïa ka jingpyntreikam.
