Shillong, Lber 03
Ka tnat pulit jong ka Jylla ka la peitngor bha haba ïadei bad ki kam ka Hynñiewtrep National Liberation Council (HNLC) bad ka jingpyrshang ban pynrung briew lyngba ka ‘online.’
Ka tyllong khubor ka ïathuh ba ka don ka jingpyrshang ban pyndonkam ïa ki kor ki bor lyngba ka ‘online’ da kaba pynkynmaw ruh ha ka por ba mih ka Nongkyndong National Liberation Council bad hadien ba la lap bad pyndkut ïa ki kam, ka la don noh ka jingjar-jar.
Kumta la ong ba ka tnat pulit ka peitngor ïa ki kam bad jingpyrshang ban pynrung briew lyngba ka ‘online’.
Ka tyllong khubor ka ïathuh ruh ba ka jingpeitngor ka long ruh halor ka jingpaw pyrthei ka jingphah shithi dawa pisa ka HNLC sha ki briew kiba treikam lajong namarba kin don beit ki briew kiba ngat ha ka jingsiew.
La ong ba ki duna kiba wan shakhmat ban ïathuh ba ki shah dawa pisa, hynrei ka jingpaw pyrthei ki shithi ka la ïarap ïa kiba bun ban tip.
Haba ïadei bad ki mukotduma ka HNLC kiba dang sahteng halor kiba bun ki jingkynnoh kam beaiñ, la ong ba ki don ki jingpynngat kumba 100 tylli ha ki kyndon aiñ.
