Kabul, Lber:
Ka jingjur palat jong ka jinghap ïor bad jingsopthah ha kylleng ki bynta jong ka Afghanistan ha kine lai sngi ba la leit, ka la wanrah ia ka jingiap jong 15 ngut bad kumba 30 ngut ruh kiba shitom bad mynsaw ha bun jait ki jingjia bapher bapher.
Ym tang katta, hynrei la iathuh ruh ba katkum ka kaiphod ba la ioh lum na Balkh bad Faryab ha ka step Sngi Saitjaiñ, la shem ba ki don palat 10,000 tylli ki jingri bad ki mrad kiba la shu iap ei kha-ma-ka namar jong katei ka jinghap thah kaba jur bad kaba la wanrah ruh ia ka jingkhriat kaba tasam ha kitei ki nongbah ha Afghanistan.
Namarkata, na ka liang ki paidbah ki la pynpaw ka jingsngewkhia kaba jur namar ka jingsop thah palat bad bun ki jingri ruh ki la shu iap ei kumto.
