Washington, Lber:
Ki nongialam ka United States ha kane ka por ki pynpaw ka jingshaniah kaba skhem ha ka ri India bad ong ruh ba katei ka kynhun QUAD jong 4 tylli ki ri kan nang kiew shaphrang bad kan iaid shakhmat hapoh ka jingialam jong ka ri India ha une u snem (2024).
U President ka United States- u Joe Biden, u la pynpaw ka jingsngew sarong kaba khraw ba katei ka kynhun QUAD ka la lah ban iaid shakhmat ha kine ki 3 snem mynta bad kumta ruh u la ong ba ka US ka ngeit skhem ruh ba katei ka kynhun kan nang kiew shaphrang nangne shakhmat hapoh ka jingialam jong ka India.
Katei ka kynhun QUAD ka kynthup ia 4 tylli ki ri naduh ka United States, ka India, ka Australia bad ka ri Japan, bad kitei ki 4 ri ki la ioh ban pynlong ia ka jinglang kaba heh tam jong katei ka kynhun QUAD hapoh ka White House jong ka US ha u Lber jong u snem 2021.
Kumta, la ong ba ha katei ka 1 tarik u Lber 2024 ruh, kaba long ka sngi dap snem jong katei ka kynhun, ka US ka la ong ba ka shaniah skhem ha ka jingpyniaid kaba stad jong ka India ba kan nang kyntiew bad pynheh-pynïar ia ki kam- ki jam baroh lyngba jong katei ka kynhun kaba la iaid shakhmat kumba long ha kane ka por.
