Chennai, Lber:
Kum shi bynta ban pynbor ïa ka sorkar India ba kan pyntikna ha ka ban pyllait noh ïa ki nongtong dohkha, kiba la sahkut lynti ha Muscat, kiba bun na ki nongtong dohkha ki la pynlong da ka jingïakhih ha ka distrik ba dei khmih da ki Collector ha Ramanathapuram ha ka por ba la don ka jingïalang.
Kine ki la phah ruh da ka jingkyrpad sha u District Collector ha kaba ïadei bad kane ka bynta.
U Secretary jong ka kynhun jong ki nongtong dohkha ka AITUC hapoh ka jylla u CR Senthilvel u la ong ba saw ngut ki nongthong dohkha na distrik ki la leit sha Oman, kaba don ha Muscat, lyngba ki nongïarap jong ki riewshimet ha u Nailur jong u snem ba la lah.
Wat hadien ba la kut ka jingtrei kaba long na ka bynta 6 bnai, kine ki nongtong dohkha kim shym la ïoh tulop bad la ong ba ki la shah pynshitom beiñ ha ki trai jong ka lieng tong dohkha ha katei ka ri.
Wat lada ki la ïakynduh jingeh, kine ki nongtong dohkha kiba la sahkut lynti ki la ïohlad ban ïakren bad ka Indian Embassy ha katei ka jaka, bad pynshisha ba ki trai jong ka lieng tong dohkha ki la pan da ka pisa na ka bynta ban pynphai ïa ki Passport jong ki.
Namar kane ka daw ka kynhun jong ki nongtong dohkha ka la kyrpad ïa ka Embassy ba ka la dei ban pyllait noh kloi ïa kine ki nongtong dohkha kiba la sahkut lynti bad ban tyrwa ka bailutksan na ka bynta jong ki da mar `. 1 lak.
Ki bahaïing jong kine ki nongtong dohkha ki la pynlong lang da ka jingïakhih ha ryngkat ka AITUC na ka bynta ban phah pyllait noh kloi ïa ki nongtong dohkha kiba sahkut lynti.
Nalor ka jingïakhih, u District Collector u la ïohpdiang da kumba 318 tylli ki jingkyrpad halor ki mat ba ïadei bad ki dulir, ki baibam tymmen bad kiwei pat.
Ki la don bun kiwei pat ki kynhun ba la pynlong jingïakhih hajan ka Collectorate.
Katba ki nonghikai jong ki Middle School ki dang pynlong jingïakhih na ka bynta ban phah pynkiew tikna ïa ka tulup ha ryngkat ka GO, ka kynhun jong ki nongïaleh ban pynïoh ïa ka hok jong u Ramar Pandian, ïa uba dang shah pynïap shen, ki la dawa ba la dei ban pynïoh da ka jingbishar bahok bad ban pynshitom ïa ki runar kiba la donkti ha kane ka kam pynïap briew.
Ki heh jong ka Revenue Department ki la pynlong da ka jingïakhih ban pynbor ïa ka sorkar ba ka la dei ban ïakren halor ki jingdawa jong ki.
