Jowai, Lber:
Wat shah pynbiej wat shah ïalam bakla ha ki jingsawa ba mih ha ki rynsan lad pathai namar kim long ki jingshisha, kyntu u MDC ka UDP, u Bah Finelyness Bareh.
U Bah Finelyness Bareh u la buh ïa kane jingkyntu jingkynpham ha ka jingïalang phylliew jingmut jong ki nongïalam bad dkhot nongkitkam jong ka United Democratic Party (UDP), na ki 5 tylli ki konstitwensi ba hap hapoh West Jaiñtia Hills District na ka bynta ka ilekshon MP Lok Sabha na Shillong Parliamentary konstitwensi.
“U Prah un leh aïu sha East Jaiñtia Hills khlem ki nongtrei, mano ban peit ïa ki masi bad ki langbrot jong u,” ong u Bah Bareh.
U la kyntu jur ruh ïa ki nongkyrshan ka UDP ban trei shitom na ka bynta ban pynlip ïa ka ding ka bym ai jingkhuid ïa ka met ka phad jong ki paidbah.
Nalorkata, u la kyntu ruh ïa ki nongkyrshan ban shim ïa ka bynta ban leit pynsngew sha ki paidbah nongshong ka jylla ïa ka nongrim jong ka UDP bad ban jied ïa u nongmihkhmat uba don ka jingkitkhlieh ïa ka jaidbynriew ban mihkhmat sha ka Sorkar India.
