Shillong, Lber:
Ka Vi, kaba long ka kompani ba ai jingshakri ha ka liang ka telekom bad kaba ha khmat, ka la ïatehlok bad kawei na ki kompani na US kaba ai jingshakri ha kaba ïadei bad ka jingpyntikna ban pynpoi ïa ki pla bad ki jingdonkam jong ki nongleit jingleit ba kin ym jah kata ka Blue Ribbon Bags da ka jingtyrwa ba ki nongleit jingleit kiba pyndonkam ïa ka Vi Postpaid bad kiba leit jingleit sha bar ri kin ym hap ban khuslai.
Ki nongpyndonkam ia ka Vi Postpaid ki lah ban book hashwa ïa ka International Roaming (IR) Pack na ka bynta ka jingleit jong ki hashwa ka 7 tarik, Ïaïong, 2024 bad ïoh ïa ka jingshakri kaba ki lah ban ïoh ei kaba ïadei bad ki pla jong ki ba kin ym poi slem ne ban lait na ka jingjah.
Kane ka jingshakri ka long ba kin ïoh ïa ka pisa kaba long 19,800 tyngka kawei ka pla ka poi slem ne ka jah bad ba ym lah ban ïoh shuh ïa ka palat ïa ka 96 kynta hadien ba ki briew kiba jah ïa ki pla ne ki jingrah jong ki ai ïa ka jingujor. Kane ka jingtyrwa ka long tang na ka bynta ka por kaba khyndiat bad lah ban ïoh tang na ka bynta ki katto katne ki Unlimited International Roaming Plan ba kynthup ïa ka plan ba 10 sngi ha ka dor @3999 tyngka, 14 sngi ha ka dor @4999 tyngka, bad ba 30 sngi ha ka dor @5999 tyngka kaba la sdang naduh ka 26 tarik u Rymphang, 2024, haduh ka 21 tarik u Lber 2024.
Pynrung kyrteng bad ka Blue Ribbon Bags hashwa ba kin shong ha ka liengsuiñ. Lada ki pla jong ki la pynslem ne la pynjah da ka Airline, ki dei ban ujor bad ka Airline bad kumjuh ruh sha ka Blue Ribbon Bags hapoh 24 kynta hadien ba ka liengsuiñ ka la hiar ha madan. Ka Blue Ribbon Bags kan ïarap ban wad bad pynsted ïa ki kam kiba ïadei bad ka jingpynpoi ïa ki pla jong ki nongshong liengsuiñ da kaba ki pyndonkam ïa ki teknologi bad ki shnat treikam jong kaba don ha kylleng ka pyrthei. Lada kim lah ban pynpoi ïa ki pla jong ki hapoh 4 sngi, ka Blue Ribbon Bags kan siew. 19,800 tyngka kawei ka pla, khlem da kylli kino kino ki jingkylla. Kane ka jingïatehlok ka pyni ïa ka sienjam treikam kaba biang bha na ka bynta ban pynurlong ïa ka jingdonkam jong ki nongleit jingleit kane ka juk mynta, kaba nang pynskhem shuh shuh ïa ka jingtreikam ka Vi ban ai ka jingshakri kaba bha bad basuk tam na ka bynta kito kiba pyndonkam ïa ka jingshakri jong ka.
