Guwahati, Lber:
Kumba la ïathuh ka tyllong khubor, la ong ba u Myntri Rangbahduh u Narendra Modi u la thmu ban leit jngoh ïa ka Kaziranga National Park ha une u bnai, la ïathuh ka tyllong khubor. Ka tyllong khubor ka la ong ruh ba u Myntri Rangbahduh u la thmu ban leit jngoh ïa kane ka National Park kaba don ha Assam ha ka 9 tarik, Lber. Shuh shuh la ong ba u Myntri Rangbahduh u lah ban shong ha u hati ne ha ka Jeep ha ka por ba u don ha National Park.
Ha u bnai ba la lah, u Myntri Rangbah jong ka jylla Assam u Himanta Biswa Sarma u la pynbna ba u Myntri Rangbahduh un sa leit jngoh biang ïa ka Assam ha u bnai Lber hadien ba la wer ïa u na ka bynta ka jingplie paidbah ïa u mot jong u Lachit Borphukan uba jrong da kumba 125 phut ha Jorhat.
