Shillong, Lber 04
Ka Meghalaya Arm Wrestling Association (MAWA) kan pynlong ïa ka rynsan ïakhun kti ba la tip kum ka 33th State Level Arm Wrestling Championship 2024 ha ka 5 bad 6 tarik u Ïaïong mynta u snem ha kane ka nongbah.
Ka jingthmu jong kane ka jingïakob ka long ban jied ïa ki nongïalehkai kiba kynsai ki ban mihkhmat ïa ka Jylla sha ka National Level Arm Wrestling Championship 2024 ka ban long ha Nagpur kaba ha Maharashtra naduh 6 haduh 9 tarik u Jylliew mynta u snem.
Na ka bynta katei ka jingïakob ka ban long ha kane ka nongbah, ka jingthew jingkhia kan long ha ka 5 tarik u Ïaïong naduh 9 haduh 12 baje mynsngi ha madan Malki, Shillong. Te kumta naduh 12 baje shaneng yn pynlong ïa ka jingïakob na ka bynta ki nongïalehkai kiba don jingduna ha ki dkhot met (para athlete) bad ki samla ha la ki jong ki kyrdan (youth category), katba ka jingïalehkai na ka bynta kiba la san (senior) kan long ha ka sngi kaba bud jong 6 tarik naduh 12 baje mynsngi shaneng.
