Shillong, Lber 04
Ka Riatsamthiah ka la wanphai da ka jingjop ha ka First Division Shillong Cricket League, hadien ba ka la lah ban pynliem noh ïa ka Nongthymmai da 5 wiket ha ka Lah Sngi U Blei ha madan Polo.
Kane ka nam jop ka la wan urlong lyngba u Wallambok Nongkhlaw uba la ïoh ban shim 5 wiket ryngkat 44 run bad kumjuh ban rah ïa ka khusnam Player of the Match.
Ha kane ka jingïakhun ka Nongthymmai ka la kam trai ba kan tied nyngkong ha kaba ka la kamai 145 run bad shah pynhap 10 wiket ha ki 38.2 over. U Badonnam Mylliemngap u la ioh ban khyrwit 56 run na ki 104 bol bad u Bijay Deb u la ioh 32 run na ki 32 bol. Katba u Wallambok u la ioh ban khur 5 wiket bad ia ki 3 wiket la khur da u Shembhalang Pyngrope.
Haba wan shimti ia ka pali kaba ar, ka Riatsam-thiah ka la lah ban kynjoh sha ka thong da kaba kamai 146 run bad shah pynhap 5 wiket ha ki 30.2 over. U Wallambok u la ioh ban tied 44 run na ki 56 bol bad u Jerimaiah Lyngdoh u la ioh 32 run na ki 67 bol. Katba u Badonnam Mylliemngap u la khur 2 wiket.
