Shillong, Lber 04
Ha kawei ka jingjia, katkum ka jingïoh lum jingtip na ki pulit, ka trai jong kawei ka dukan kaba don ha Mawlai Mawroh, Shillong, ka la ujor ba ha u Rym-phang mynta u snem, ka la lap ba arngut ki nongtrei barim jong ka, ki la pyndonkam bakla ïa ka pisa kaba T.10,55,942 kaba dei jong kane ka dukan.
Sa ha kawei pat ka jingjia, ki pulit ki la pyntip ba kawei ka briew ka la shah ujor halor ka jingkynnoh ba ka la lum pisa na kiba bun ki nongshong shnong da kaba kular thok ba kin ïoh kam ïoh jam ha kawei ka ‘Agency’ kaba don ha Mawlai Mawkynroh. Ïa kane ka jingujor, la ai da u/ka trai jong kane ka ‘Agency’.
Shuh shuh, ka khubor na ki pulit ka ïathuh ba uwei u briew ba la tip kyrteng kum u Rajesh Ahmed u la ujor ba ha ka 29 tarik Rymphang, ki runar ki la tuh ïa ki sainar, Battery Bank, bad Power Cable kiba shongdor T.1,36,940 na ka jaka ba don u Tower ha Kalaigaon, South West Garo Hills.
