Shillong, Lber 04
Ka Services kaba la bat teng haduh hynriew sien ïa ka nam lahduh lem bad ka Goa ki la jam sha ka semi final ha ka Santosh Trophy ha ka Lah Sngi U Blei ha Golden Jubilee Stadium kaba ha Itanagar.
Kane ka jinglah ban pynthikna ka la wan hadien ba ka Services ka la lah ban pynliem noh ïa ka Railways da 2-0 kol ha ka quarter final. Kane ka la wan lyngba ka penalty ba la shut da u Shafeel PP ha ka minit kaba 9 bad ïa kawei pat la thep da u Samir Murmu ha ka minit kaba 45+1.
Haba phai sha kawei pat ka jingïakhun ba ar, ka Goa ka la pynliem noh ïa ka Delhi da 2-1 kol. U Sahil Kumar u la pynkhih jar nyngkong na ka bynta ka Delhi ha ka minit kaba 8, hynrei ka Goa ka la lah ban pynphai kylla ar kol lyngba Jobern Cardozo (20) bad u Lloyd Cardozo (29).
