Washington, Lber:
Ha kane ka jingjia la ong ba katei ka nongñiah jong katei ka trok da ka jingbha bok ka la thaw lait im noh hadien ba ki briew ka kynhun iarap ki la ioh ban pyllait im ia ka na katei ka trok kaba la jan hap nalor jong ka jingkieng kaba jrong hapoh Louisville jong ka Kentucky ha ka Sngi Nyngkong.
Hynrei ki kynhun iarap pat ki dang iakhun mynta sa ban weng bad sei ia ktei ka trok na katei ka jingkieng ba ka snoh bad sahkut shuwa ba kan leit hap shapoh jong katei ka jingkieng.
La ong ba ki bor pyniaid bad ki briew ka kynhun iarap ki la ïaroh ia ka jinglong ba shlur ba katei ka kynthei ka don bad kam shym la pyn kulmar jingmut ia kito kiba leit ban iarap ia ka ha katei ka jingjia. Namar la ong ba ka la iatrei lang badki da kaba jai-jai khlem da khuslai ne pynmih kano kano ka jingkulmar wat hathmier ka jingïap bad ka jingma kaba khraw kaba ap ia ka lada katei ka trok ba ka ñiah bad shong, kan hap shaduh shatrai jong katei ka jingkieng kaba jrong bad ba heh bah.
Kumta, hadien bun kynta, la ong ba ki kynhun iarap bad ka tnat pynlip ding, ki la lah ban tan bad pyllait noh ia katei ka trok khlem da hap ne ngam ha katei ka um kaba don shapoh jong katei ka jingkieng.
