Tripura, Lber:
Ka jingtrei shitom jong ki bor sorkar ha South Tripura distrik kam shym long lehnohei naba ki la lah ban wanrah ïa ka jingjop halor ka jinglah ban lumlang biang ïa 172 ngut ki khynnah kynthei bad plie lad biang sa shisien ba kin ïoh leit skul. Kane ka jingpyntreikam ka la long hapoh ki 15 bnai.
U Saju Waheed uba long u District Magistrate jong ka Dhalai ha ka jingïakren bad ki nongthoh khubor, u la ong ba kine ki khynnah kynthei ki la hap ban pep skul hashwa namar ba ki la shah pynïathoh ha ka por ba ki dang don ha ka rta kaba dang rit.
U la pynpaw shai halor ka skhim ba la ai jingkyrshan ïa ki khun kynthei ba la wanrah da ka sorkar ïa kaba la tip kum ka Beti Bachao Beti Padhao ha kaba kane ka skhim ka la lah ban ailad biang ïa ki khynnah kiba la ngat ha ki jingeh na ki jingshah pynïathoh ha ka rta ba dang rit ha kaba kum kine ki la don 44 ngut bad kane ka la long tang ha u Nailur jong u snem 2022.
