Shillong, Lber 05
Ka North East Sports Association (NESA) ka la shim ïa ka rai ban pynkylla noh ïa ka North East Olympic Games sha ka “North East Games” ka ban sdang naduh 18 haduh 23 tarik mynta u bnai ha Nagaland.
Ïa kane ka rai la shim ha ka jingïalang lyngba ka ‘video conference’ kaba la long ha ka Sngi Ba-ar ha ka por 6 baje janmiet na ka bynta ban pynkhreh ïa katei ka lympung ka ban don haduh 16 tylli ki jingïalehkai.
Kat kum ka kyrwoh ba la pyllait da u Secretary General ka NESA u Bah John Kharshiïng, la ong ba kane ka rai ka la wan kat kum ka jingai jingmut da ka Indian Olympic Association ha ka 28 tarik u Rymphang mynta u snem.
