Jaipur, Lber:
Kum shi bynta ban trei shitom na ka bynta ban pynpoi sha ka thong ba la buh da ka sorkar India jong ka jinglah ka Renewable Energy ban pynurlong ïa ka thong bad ka jingthmu ban wanrah ïa ka jingpynïabiang ha ki rukom pyntreikam ban pynmih bording ha u snem 2070, ka NEEPCO ka la wanrah da ka EPC kontrak ban kyntiew shuh da 300 MW (Phase-I) ISTS ha ka ban pyntreikam da ka Solar PV Project ha Bhanipura, Bikaner, Rajasthan.
Kane ka projek kan sa lah ban pynmih da kumba 762.30 Million Units ka bording ha ka snem ba nyngkong jong ka jingpyntreikam bad 17631 Million Units ha baroh shi lynter jong ki 25 snem. Kan sa ïoh jingmyntoi shuh shuh ha ki 17 bnai bad ka bording na kane ka projek kan sa lah ban mih na Bikaner-II Sub-Station of Powergrid.
Ha ka jingai ïa ka jingbatai kaba bniah shaphang ka projek kaba nyngkong jong ka NEEPCO shabar jong ka thaiñ Shatei-lam-Mihngi, u Hiten Bharali, uba long u Chief General Manager bad u Head of Renewable Energy u la pyntip ba ïa kane ka projek yn sa pyntreikam ha ka jinglut kaba `. 1585.49 klur. Ka NTPC Vidyut Vyapar Nigam Ltd. ka la dep ban pyntikna na ka bynta ban thied ïa ka bording kaba bun na kane ka projek katkum ka jingdonkam. U Bharali shuh shuh u la ong ba ki jingtyrwa ha kaba ïadei bad ka jingtreikam ka Techno-Commercial sa 300 MW (Phase-II) yn sa wanrah shen. Ka NEEPCO ka la don jingthmu ban sdang da kumba 1500 MW ka Solar Project ha une u snem.
