Kuala Lumpur, Lber:
Ha katei ka jingjia la ong ba ki tnat iarap ka Malaysia ki la ioh ban pyllait im noh ia 4 ngut kiba shong ha kawei ka ‘helicopter’ bad kaba la leit hap bakla sha Malacca ha ka Sngi Ba-ar.
Ka Civil Aviation Authority jong ka Malasia ka la pyntip ba u nongñiah jong katei ka ‘helicopter’ u dei uba dang shah hikai, bad kumta ha katei ka sngi la ong ba katei ka ‘helicopter’ ka la leit kum hap bad ngam sha duriaw hajan ka dew lynnong Angsa.
Ha katei ka ‘helicopter’, la iathuh ba dei tang kitei 4 ngut kiba shong bad ym don pat kiba khlad na katei ka jingjia.
Ia kitei baroh 4 ngut la ioh ban pyllait im bad tan da ka ‘helicopter’ kaba la leit her mar-mar tang mar ia ioh jingtip shaphang katei ka jingjia.
Ka Angsa ka dei ka dewlynnong kaba dap da u maw bad kaba don ruh ha ka thaiñ Strait jong ka Malacca, kaba long ka lynti iaid ki lieng bad ki jhad kaba kham khim hapdeng ka dewlynnong Sumatra jong ka Indonesia bad katei jong ka Malaysia.
Kumta, la ong ba ki bor pahara duriaw jong ka Malaysia ki la pyntip ba kin phah ban wad bniah halor katei ka jinghap jong katei ka ‘helicopter’ ha katei ka sngi ioh lehse ka long namar ka jingbym pat da skhem jong u nongñiah ne nongpynher ia katei ka ‘helicopter’ ha katei ka sngi, ne ioh don pat da kiwei ki daw sha lyndet.
