Shillong, Lber:
Ka Synjuk Ki Seng Samla Shnong (SSSS), Shillong City kam lah khlem da ai khublei kitbok kitrwiang ïa baroh ki khun samla ka bri u hynñiewtrep bad ha Jylla hi baroh kawei na ka bynta ka jingïaleh ha ki eksam bapher-bapher jong u snem, 2024 naduh SSLC, HSSLC bad kiwei-kiwei.
Ka synjuk ka ai mynsiem sha iwei-pa-iwei i samla ba kin kiew shaphrang bad ban minot thop ban poi sha ka thong ha ka jingïaleh jong ki ha kane ka eksam bad ban rah ruh ïa ka nam ka jaidbynriew hi baroh kawei.
Kum ka jaidbynriew ka donkam shisha ïa ki samla trai-ri trai-muluk ban ïoh hi ban bat ïa ki kyrdan ba kham hajrong ha ki bynta bapher-bapher.
“U Khulom Ksiar u dei u Atiar bad waitlam ba nep ban pruid dak ban im bad shngaiñ ka jaidbynriew,” la ong ka kyrwoh.
Kyntang ïawai, ka synjuk ka phaikhmat ban ïohi ba ki khun samla ka Jylla ba kin long ki Dongmusa ban tbeh jingshai ïalade bad ïa ka pateng ka jaidbynriew baroh kawei.
