Ha ka jingïohi jong nga kum uwei na ki nongthep vote ka Shillong Parliamentary seat, nga sngew dei ban kyntu ïa ki paidbah nongjied ba dei ban da pyrkhat janai bha ban ai ïa ka vote na uno uno u kyrtong ba ïa khun M. P. Ngi dei ban jied ïa uno uno u kyrteng uba don ka jingnang jingtip uba biang bad uba kham tbit ha kiba bun ki liang. Kawei de ngi dei ban jied ïa u kyrtong jong ki National party ym na ki Regional party. Balei nga ong kumne, namar ngi la iohi ha ki por ba la dep u kyrtong jong ki Regional party um lah leh ei ei marwei hapoh parliamentary ka ri. Lada ngi jied ïa u kyrtong na ki Regional party ka long ba ngim kwah ïa ki kam pynroi pynpar (Development) na ka Jylla. Ka kham bha ban jied ïa u kyrtong jong ki National party uba don jingtip bad jingshemphang ba pura ïa ka Riti synshar ka ri.
Kam da myntoi ban jied ïa ki parti rit, watla u long u briew uba don ka jingnang jingtip ruh. U M.P. u dei ban long u briew kum u saw shyrtong uba lah ban leit ïa kynduh ïa ka Mei ngi ban ioh jingshai ïa ngi ki paidbah ka Jylla bad uba ïar ka jingmut jingpyrkhat.
Ngi dei ban jied ïa u briew uba lah ban pynïadei bad ka sorkar kaba ïoh synshar hapoh ka ri (India). Lada ngi ïoh ïa u M. P. na ki seng ha parti synshar ha Delhi kan kham bha shibun ïa ka Jylla jongngi. Ka jingjied ïa u kyrtong Independent ka long tang ba ngi shu ai kam ïa u, um lah ban wanrah ki kam pynroi pynpar ïa ka constituency bad ïa ka Jylla kumjuh. Ki paidbah nongjied ki dei ban stad kumno ban jied ïa u M. P. u ban pynïoh burom ïa ka Jylla.
C. B. Iawphniaw
