Shillong, Lber 06
U Deputy Inspector General (DIG) uba dei ruh u dkhot ka Central Recruitment Board (CRB) jong ka tnat Pulit, u Davis Marak u la maham ïano-ïano kiba lehthok ban pynïoh kam pulit ïano-ïano da kaba ïarap ïa ki ban ïoh kam.
Kane ka jingmaham ka la wan hadien ba ki la don ki kam thok ban pynïoh kam pulit ha ki snem ba la dep.
La ong ba ki don ki kam kiba dang thylli kumba 2,968 tylli hapoh ka tnat pulit.
U Marak u la ong ba ka CRB ka la dep batai ba ka jingpynrung kam ka long kaba khuid kaba suba bad ha ka kyrteng jong ka Board u la ong ba baroh kiba thep kam kim dei ban shah ïalam bakla ha kino-kino kiba pyrshang ban kam ba ki lah ban pynïoh kam.
U la ong ba ka CRB ka la dep pynsngew ba kino-kino kiba sngew artatien ki dei ban phone lyngba ki helpline number naduh 10 baje mynstep haduh 5 baje janmiet ha u number 6033164273. Ka email address ruh la dep ban ai ba kin phah jingtip ha ka [email protected]
