Shillong, Lber 06
Ka Shad Suk Mynsiem jong ka Elaka Umniuh Tmar kaba ju long man la u snem kan long ha ka 30 bad 31 tarik u Lber 2024 ha madan shad jong ka Elaka. Ha katei ka sngi, kan don ruh ka shad singkhalai, kaba ju long kawei na ki jingshad ba kham kyrpang kaba la ju pynlong man la u snem.
Kumta ka Elaka, ka khot ka wer ïa baroh ba kin wan ban pynshngaiñ lem sha katei ka shad jong ka Elaka. Kan don ruh ka jingwan shaw da kali ïa ki nongshong shnong jong ka Umñiuh Tmar na Shillong ba kin wan shim bynta lang ha katei ka shad, la ong ka kyrwoh na u Bah Nanglamlad Khongshah, Sirdar Elaka Umñiuh Tmar.
