Khliehriat, Lber 06
U Ajamal Husen na Natanpur ha Cachar District, Assam u la shah kem ryngkat u drok 77 gram ba la ïoh kurup napoh kali jong u, ka Maruti Suzuki Baleno kaba don ïa u nombar AS11-S-3488.
Ïa u Ajamal la kem na Lumshnong ha ka surok bah NH-06 hajan ka NHAI toll plaza, East Jaiñtia Hills District ha ka Lah Sngi U Blei.
Ki pulit ki ïathuh ba u Ajamal u wan na Silchar, Assam bad thmu ban kiew sha Ladrymbai, East Jaiñtia Hills District bad la kem noh ïa u ha ka por ba la pynlong ka jingkhynra ïa ki kali.
Na u Ajamal, ki pulit nalor ka kali Baleno, ki la ïoh ban kurup ka Mobile Phone (vivo) ryngkat bad 2 tylli ki Sim Card, EPIC Card/Driving License/Pan Card/Aadhar card.
Ki pulit ki ïathuh ba la pynrung mukotduma ïa u hapoh ka thanat Lumshnong katkum ka Case No. 08(3)2024 u/s 21(b)/29 NDPS Act.
