Jowai, Lber 06
Ka West Jaiñtia Hills District Cricket Association (WJHDCA) ka pynbna ba shen kan sa pynlong ïa ka lympung ïalehkai District Cricket League ha ka taïew kaba khatduh jong u Lber.
Ïa kane ka jingïalehkai yn pynlong ha ka dur jong ka One day Match bad 35 overs. Ka bai rung na ka bynta ki nongïalehkai ka long `100 marwei bad ym dei ban duna ïa ka 15 ngut ha kawei ka kynhun bad ka bai rung kan long `4500 kawei ka kynhun.
Ka West Jaiñtia Hills District Cricket Association ka pyntip ruh ba ka pdiang ïa kino kino kiba kwah ban pynïasoh bad ka synjuk bad ka jingsiew ka long `1000, katba ka jingpynthymmai kan long `500.
Ka tarik khatduh ban pdiang ïa ka bai rung, pynrung kyrteng bad kumjuh ka affiliate ka long ha lane shwa ka 20 tarik Lber ha ka por 4.00 baje janmiet. Ka jingpynïakap ïa ki kynhun kan long ha kajuh hi ka sngi ha ka por 4.30 baje janmiet.
Ha kaba ïadei bad ka ïew ïadie ïathied nongïalehkai (Transfer) ka long ha ka dor T.300 uwei bad ka tarik khatduh ka long 14 tarik Lber. Na ka bynta ki jingtip kiba kham bniah lah ban phone ha kine ki number, 7005666802, 9863043885, 8729912904, 7005217560.
