Shillong, Lber 06
Ka Treilang Welfare Society ha ka jingïatrei lang bad ka Nehru Yuva Kendra Sangathan, Shillong kan pynlong ïa ka jingïamareh kaba 500 meter halor ka phang “Run Women Run – Run for a Cause”, MYBharat Viksit Bharat – Nari Shakti Fitness Run ha ka Sngi Saitjiañ (9 tarik) ha ka por 7 baje mynstep.
Kane ka jingïamareh kan sdang na Crinoline Swimming Pool bad kan kut ha Malki Point.
Ka jingthmu ban pynlong ïa kane ka jingmareh ka long ban rakhe ïa ka sngi ba kyrpang ki khynthei kaba ngi tip kum ka “International Women’s Day” kaba thew beit ba ka jingïamareh thong ka ban dei thik tang ïa ki khynthei/longkmie kumjuh ruh ka jingmut jong kane ka jingïashim bynta ha kane ka jingïamareh kan long ruh ban pynsngewthuh lane pynshai paidbah ïa ka jingkordor jong ka jingdonkam kum ki kynthei lane longkmie ban phikir ïalade ha kaba ïa dei bad ka koit khiah.
Ka kynhun ka buh ka jingïawer paidbah katlah katïai ïa baroh ki longkmie, ki kynthei ban ïashim bynta ha kane ka rynsan khnang ba kan long ka jingrakhe sngi kyrpang ki kynthei kaba jop bad kaba sah kynmaw.
Kumta ha kaba ïadei bad kane ka rynsan, ki lah ban tip kham bniah lane register lane phone lyngba kine ki number 69091-10529/7005861828/8794749987. Kumjuh ruh ka jingshim kyrteng ïa ki nongshim bynta kan long ruh ha lane shwa ka 8 tarik Lber. Kane ka long kat kum ka kyrwoh ba la pyllait da u Bah Arwanki Bareh.
