Aizawl, Lber:
U Myntri Rangbah jong ka Mizoram u Lalduhoma u la ong ba ka sorkar ZPM kan sa wanrah ïa ka skhim myntoi ha liang ka koit ka khiah da kaba pyndam noh ïa ka skhim kaba la mih ha shwa.
Ha ka por ba ka la don ka jingïakren ha ka dorbar mang tyngka jong ka jylla, u Lalduhoma u la ong, ka skhim bathymmai ban ai jingmyntoi ha kaba ïadei bad ka jingïoh jingmyntoi ha ka koit ka khiah kaba ym donkam ban siew pisa sha kito ki nongïoh myntoi.
Ka skhim ba la dep ban pyntreikam ha shwa ka Mizoram State Health Care Scheme ba la wanrah da u Zoramthanga uba la lamkhmat ïa ka sorkar Mizo National Front (MNF) ha u snem 2019, yn sa pynduh noh, u la ong.
Ka skhim ai jingmyntoi kaba thymmai ha kaba ïadei bad ka koit ka khiah ïa kaba la lah ban saiñdur, kan kham bha shibun ban ïa ka skhim ka ban pyndam noh, u la ong.
