Shillong, Lber 07
Ka Meghalaya Boxing Association (MBA) ka la jied ïa ki nongïakura kynthei bad shynrang ki ban mihkhmat ïa ka Jylla sha ka 3rd Sub Junior Boys & Girls National Boxing Championship 2024 ka ban long ha Noida, Uttar Pradesh naduh 18 haduh 25 tarik mynta u bnai.
Ha ka liang ki shynrang ki long u Arki Manbha Ramen (35-37kg), Kyrshan Swer (37-40kg), Ethaniel Nongkhlaw (40-43kg), Karan Sunar (43-46kg), Banrapkupar Syiem (46-49kg), Lewanki Pakma (49-52kg) bad u Disrang Sangma (58-61kg).
Katba ha ka liang ki kynthei ki long ka Naphisakmen Sohtun (31-33kg), Ïasawanbiang Nongsiej (35-37kg), Badahun Syiemïong (37-40kg), Dolcy Diengdoh (40-43kg), Deiti Lunia Sun (43-46kg), Dahunshisha Kharkongor (46-48kg) bad ka Priyanka Thapa (58-61kg).
Ïa kane ka kynhun yn ïalam da u Pynskhem Lyngdoh Nonglait, Batiplang Nongkhlaw, Balamphang Nongkhlaw, Uranus Kharsati bad uwei u Referee & Judge u Daniel W. Marbaniang.
