Washington, Lber:
Ka liengsuiñ Cargo jong ka America ha ka Sngi Ba-ar, la ong ba da ka jingiatrei lang bad ka Jordan, ka la ioh ban pynhap ia ki mar bam bad kiwei kiwei jingiarap baroh sha Gaza kumba la pynbna da u President ka United States- u Joe Biden ba ka US kan shu leit pynhap noh ia ki mar bam bad ki jingiarap ba ka thmu ban pynpoi sha Gaza baroh lyngba jong ka liengsuiñ.
Namar la ong ba ym tang ka United States, hynrei kumjuh kiwei ruh ki ri ki la ialeh ban leit pynhap ia ki lad jingiarap da ki liengsuiñ namar la iohi ba kim lah ban pynpoi ia ki mar bam bad ki jingiarap ba ki thmu ban pynpoi sha Gaza namar ka jingiakhun thma ba khlem sangeh jong ka Israel ha katei ka nongbah.
Kumta la ong ba ha katei ka sngi ruh ka tnat US Central Command bad ka Royal Jordanian Air Force ki la iatrei lang ban ialeh ban pynpoi da kaba shu leit pynhap noh da ki liengsuiñ ia kitei ki lad jingiarap sha ka phang North jong ka nongbah Gaza ha katei ka 5 tarik u Lber, 2024 ha ka por kumba 2:30 Nohphai sngi.
