Kino kino ki kynhun seng kiba leit khang tala ïa ki jaka trei kam paidbah kum ki Bank, ki ophis sorkar bad kiwei kiwei ruh dei ban shah pynshitom ïa ki. Namar kane ka jingjia khah-khah ba shah shoh ne ktah kti ïa ki nongïalam ki seng bhalang bad kumjuh ïa ki Ophisar ka sorkar dei ban tehlakam khnang ba kan ym jia shah shah shah bom ha ki runar. Lada ki ophisar sorkar ki ktah kti ïa ki nongïalam paidbah ki dei ban shah pynshitom.
Kumjuh lada ki nongïalam jong ki seng bhalang ki leit pynwit bad ktah kti ïa ki ophisar ka sorkar ki dei ban ïoh ka jingpynshitom da kaba shah set patok. Lada wanrah kum kane ka aiñ kan ïarap bad kata ka long ka jingai saja kumjuh ia baroh kiba leh ïa ka kam ktah kti ïa kiwei, lehse kum kane ka aiñ ka donkam bha na ka liang ka sorakr ba kan wanrah na ka bynta ka jingbha lang salonsar hapoh ka jylla / Ri. Ym dei ban don ka jing-leh shiliang ïano-ïano ruh ïa ki dei ki nongïalam paidbah ne ki ophisar sorkar kumjuh.Kane ka long ka jingiohi jongngi kum ki ‘riew paidbah na ka bynta ka jingsuk ha ka synshar ka khadar.
C. B. Iawphniaw
