Shillong, Lber 08
U President ka Bharatiya Janata Party (BJP), u Rikman G. Momin ha ka Sngi Thohdieng u la ong ba ka jingpynbna kyrtong na bynta ka ilekshon ban wan sha ka Lok Sabha ka shong ha ka Central Parliamentary Board (CPB) jong ka seng.
“Kane ka shong ha ka Central Parliamentary Board,” la ong u Momin haba kylli lano ka seng kan pynbna kyrtong na bynta ka ilekshon ban wan sha ka Lok Sabha.
U la ïathuh ba kan sa don ruh ka kylla ba-ar jong ka jingïalang da ka komiti jong ki nongïalam bahalor jong ka BJP.
Haba pyntikna ba ka seng ka la dep phah ïa ka thup kyrteng jong ki kyrtong, utei u nongïalam u la ong ba ïa mynta ym pat lah ban ïathuh katno ngut kiba thep kyrteng hynrei ka seng ka la dep phah lut ïa ki kyrteng jong kito kiba pan tiket na ka BJP.
“Ai ba ka Central Parliamentary Board kan pynbna shuwa halor kane,” u la ong.
