Shillong, Lber 08
Ka Expert Committee halor ka jingkhmih bniah ïa ka bhah thung kam ne ka ‘State Reservation Policy’, Meghalaya ïa kaba la thaw lyngba ka jingpynbna ba la pynmih ha ka 12 tarik Nailur, 2023 hapoh u Justice (Retired) Mool Chand Garg kum u Chairman, ka la lum ïa ka jingïalang banyngkong ha ka Sngi Thohdieng ha Shillong ha ryngkat ka jingdonlang ki heh ophisar jong ka Sorkar Jylla.
Ha shuwa kane, ka komiti ka la shong ïa ki jingïalang ha ki kylla bapher-bapher lyngba ki kor ka juk stad mynta (virtual). Hadien kane, u Chairman lem bad ki dkhot ki la leit jngoh ïa ka shlem treikam jong ka Expert Committee kaba don ha ïing mala jong ka shlem treikam Assistant Commissioner of Food & Safety, Lachumiere, Shillong.
Ki dkhot jong ka komiti ki shong ruh ïa ka jingïalang kaba la poi sha katto-katne ka rai haba ïadei bad ka sienjam ka ban shim nangne shakhmat. Ïa kane ka komiti la thaw ban khmih bniah ïa ka bhah thung kam kaba la don lypa hapoh ka Jylla. Ka jingïalang ban wan jong ka komiti kan long ha u bnai Ïaïong, 2024.
