Jowai, Lber 08
Ha ka miet 7 tarik Lber ha ka por 6.30 baje, ki pulit ka Ummulong Beat House ki la ïoh pdiang ïa kawei ka jingujor ba kem ding kawei ka kali ha surok Wahïajer-Nartiang ha kaba uwei u briew u la sahkut hapoh katei ka kali.
Ki pulit ha ka jinghiar sha katei ka jaka, ki la lap ïa ka kali Maruti Zen kaba la ingkhong. Katba u briew uba sahkut hapoh katei ka kali la pynkit noh mar-mar sha Woodland Hospital, kaba don ha Sabahmuswang.
Ha ka jingtohkit la shem ba utei u briew u dei ba la tip kyrteng kum u Abipaia Bareh na ka shnong Nartiang.
U Abipaia Bareh u la mynsaw jur bad hadien la pynkynriah noh ïa u sha nongbah Shillong ban ïoh ïa ka jingsumar kaba paka.
Ki pulit ki la kyrpad ïa ki bor pynïaid Hospital ban kylli na u Abipaia Bareh halor ka jingjia ïa u, bad u la ïathuh ba ha ka por ba u ñiah ïa ka kali, u samthiah bad ka kali jong u ka leit noh sharud ka surok bad kem ding.
Ki pulit ki la pyntip ba u Abipaia Bareh u la khlad noh hynnin hi ka miet.
