Shillong, Lber 08
Ka jingpynjlan kaba 6 bnai ïa ka samoi treikam jong ar tylli ki Autonomous District Council, kita, ka Khasi Hills Autonomous District Council (KHADC) bad ka Jaiñtia Hills Autonomous District Council (JHADC) ka la sdang naduh ka 5 tarik Lber, 2024.
Kane ka jingpynbna ïar ka la wan lyngba u Secretary ka DCA kaba dei ka hukum jong u Lat ka Jylla ha kaba la kdew ba katkum ka sub-paragraph (6A) na ka Paragraph 2 jong ka Sixth Schedule ka Riti Synshar ka ri India ha ryngkat ka sub-rule (1) jong ka Rule 7 jong ka Assam and Meghalaya Autonomous Districts (Constitution of District Councils) Rules 1951 kumba la pynkylla ha kaba u Lat u la pynjlan ïa ka samoi treikam jong ka KHADC bad ka JHADC na ka bynta 6 bnai naduh ka 5 tarik Lber, 2023.
Ha kane ka jingpynbna ïar, u Lat u la pynpaw ka jinghun ba ïa ka ilekshon ym pat lah ban pynlong namar ka jinglong-jingman kaba donkam ban pynjlan ïa ka samoi treikam ka KHADC bad JHADC.
Kumba ka long mynta, ka dang don ka jingpynbeit thymmai ïa ki konstitwensi ha baroh ar tylli ki district council bad ka kam, kam pat dep lut haduh mynta.
