Shillong, Lber 08
Ka Lumpyngngad SCC ka la long sa kawei pat ka kynhun kaba la rung sha ka final ha ka lympung ïalehkai First Division Shillong Cricket League, hadien ba ka la lah ban pynliem noh ïa ka Malki SC da 3 wiket.
Ha ka jingïakhun semi final ba ar kaba la long ha ka Sngi Thohdieng ha madan Polo, ka Malki ka la kam trai shwa ban tied nyngkong ha kaba ka la kamai 167 run bad shah pynhap 10 wiket ha ki 34.3 over. U Banïalam u la tied 56 run na ki 76 bol bad u Nick Dann u la ïoh 43 run na ki 58 bol. Katba u Praveen u la khur 4 wiket bad ïa ki 3 wiket la khur da u Vishal Kumar Balmiki na ka bynta ka Lumpyngngad.
Haba wan shimti ïa ka pali kaba ar, ka Lumpyngngad ka la lah ban kynjoh sha ka thong da kaba kamai 170 run bad shah pynhap 7 wiket ha ki 39.5 over. U Samir Shah u la tied 65 run na ki 107 bol bad u Rajib Ray u la ïoh 39 run na ki 43 bol. Katba u Nick Dann bad u Mickey Marngar kila khur mar 2 wiket na ka bynta ka Malki. Ïa ka nam Player of the Match la khur da u Samir Shah.
