Agartala, Lber:
U Lat jong ka Tripura u Indrasena Reddy Nallu u la pynbam smai ïa arngut ki Myntri kiba dang shah thung thymmai ha kaba kine ki kynthup ïa u Animesh Debbarma bad u Brishaketu Debbarma.
U Debbarma, mynshwa u la long u nongïalam jong ka liang pyrshah bad u la ïakhun ha ka ilekshon Assembly jong u 2023 na ka tiket jong ka seng Tipra Motha.
Nangta, u Brishaketu Debbarma, uba long u MLA barim jong ka seng IPFT ha ka por ba synshar nyngkong ka sorkar BJP ha Tripura, ruh u la shah pynbam smai kum u Myntri hapoh ka kynhun myntri jong katei jylla.
Kum shi bynta ban mihkhmat ïa ka Simna Assembly konstitwensi ha West distrik jong ka Tripura, u la mih noh na ka seng IPFT, bad leit ban pynïasoh bad ka seng Tipra Motha bad u la long u MLA.
Ha kane ka sngi, la leit ban ïashim bynta da u Myntri Rangbah jong ka Tripura u Dr. Manik Saha, Royal Scion bad u nongseng jong ka seng Tipra Motha u Pradyot Kishore Manikya Debbarma, u Chief Secretary JK Sinha, DGP Amitabh Ranjan, napdeng kiba bun kiwei pat.
