Shillong, Lber 10
Ka East Khasi Hills Cricket Association (EK-HDA) kan sdang noh ïa ka lympung ïalehkai kriket ïa kaba la tip kum ka 3rd EKH District League 2024 ban pynlong naduh ka 12 tarik mynta u bnai ha Shor-timai Syiem Stadium, Smit.
Ha kane ka lympung ïalehkai, kin don haduh 13 tylli ki kynhun ban phiah ha ar tylli ki group na ka bynta ban ïaknieh ïa ka nam lahduh. Ki kynhun ki ban ïakhun nyngkong ha katei ka sngi sdang kan long hapdeng ka lahduh jong u snem ba la lah, kata ka Laitjem Cricket Club pyrshah ïa ka New Team Maw-phlang Cricket Club.
