Guwahati, Lber:
Ki pulit jong ka Bongaigaon distrik, ha ryngkat ka jingïarap jong u Sub-divisional Police Officer jong ka North Salmara bad ki pulit jong ka Boitamari, ki la wanrah ïa ka jingjop lyngba ka jingpynlong ïa ka jingleit khynra ha Talguri.
Kane ka jingpyntreikam ka la pynlong ban ïoh kurup ïa shibun ki dawai kuli ba la khang ban pyndonkam ne ñiew beaiñ lada rah ïa ki bad la ïoh ruh ban kem ïa arngut ki briew kiba la donkti ban khaïi beaiñ ïa kine ki dawai kuli.
Ïa ka jingleit khynra la pynlong ha ki thaiñ kiba hap hapoh ka jingkhmih jong ka jaka treikam jong ki pulit ka Boitamari, ha kaba ki la thom sha ka thaiñ ba la tip ba don ka jingkhaïi drok.
Ha ka por ba la pynlong ïa ka jingkhynra, la ïoh ban kurup ïa ka song jong ki 3,312 tylli ki dawai kuli Sempax ba la shah ñiew beaiñ.
Shuh shuh nalor ka jingïoh ban kurup ïa kine ki dawai, ki pulit ki la kem ruh ïa arngut ki briew kiba la donkti ha kane ka jingkhaïi beaiñ ïa kine ki dawai kuli.
Ïa kine kiba la shahkem la tip kyrteng kum u Nazar Ali bad u Rezakul Islam.
