Ka ICICI Prudential Life Insurance kawei na ki kompani kaba biang ka rukom treikam na ka bynta ban siew ïa ka pisa na ka bynta ka Quarter kaba lai jong ka mang tyngka 2024

Shillong, Lber: 

Ka ICICI Prudential Life Insurance sa shisien pat ka la paw biang kum kawei na ki kompani ba paw namar ka jinglah ban siew ïa ka pisa sha ki nongthep pisa bad kane ka jingkiew ka long 98.6% na ka bynta ka Quarter kaba lai jong ka snem mang tyngka 2024. Kane ka jingjop ka pyni ba ka kompani ka la aiti lut ban wanrah ïa ka jingshngaiñ ha ka liang ka pisa pilaiñ bad ka jingsuk ka jingmut jingpyrkhat jong kito kiba don ïa ka Policy.

Namar ba ka Life Insurance kan long kum kawei na ki Plan ba biang tam ha ka liang ka jingbuh ïa ka pisa pilaiñ, kumta ka jingdonkam ban ïoh ïa ka shnat ban leh ïa ka Insurance kaba lah ban shaniah bad kaba ïahap bad ki briew ka long kaba donkam haduh katta katta. Ka jingbit jingbiang ha ka jingpynïaid ïa ka pisa pilaiñ da ka ICICI Prudential ka la paw, bad kane ka wanrah ïa ka jingsngew skhem mynsiem hapdeng ki riew shimet bad ki longïing- longsem.

Ka jingaiti bad jingtrei shitom jong ka kompani ban wanrah ïa ka jingpynbit pynbiang bad jingsiew ïa ka pisa ha ka rukom kaba sted bad ba khuid ba suba ka paw ha ka jingïoh ïa ka jingïohnong tang hapoh 1.3 sngi na ka bynta ka jingsiew ïa ka pisa ha kaba ïadei bad ka non-Investigated Claim, kaba la wanrah ïa ka thong kaba thymmai ha kaba ïadei bad ka jingbit jingbiang ha ka rukom treikam ha kane ka liang. Nalor kata, ka buit treikam jong ka ICICI Prudential ba la tip kum ka ‘Claim For Sure’ ka dei ka sienjam treikam kaba pyntikna ba lah ban pynïaid ïa ka kam na ka bynta ban ïoh ïa ka pisa jong ino ino i nongbuh pisa tang hapoh shi sngi hadien ba i nongbuh pisa i la khlad noh bad lada ka rukom khlad ka dei ka bym don kano kano ka jingartatien, bad nalor kata lada kum pynslem ka kompani ruh ïa ka bai pynslem.

Da kaba buh ha khmat ïa ka jinglah ban pyndonkam da ki kor Digital na ka bynta ban pynïaid beit pynïaid ryntih ïa ka rukom treikam ban ïoh ïa ka Claim ne ka pisa jong iba la khlad noh, ka ICICI Prudential ka ïai bteng ban nang kham pynbha shuh shuh ïa ka jingshakri sha ki nongbuh pisa, kaba pynpaw shai ïa ka jingtrei ba bha jong ki. Da ka jinglah ban pynbiang haduh 3,070 tylli ki Claim hapoh ka sienjam treikam jong ka ‘Claim For Sure’, kaba long kumba 214.70 klur tyngka tang hapoh ki khyndai bnai jong ka snem mang tyngka, ka ICICI Prudential ka la nang pyntikna shuh shuh ïa ka kyrdan jong ka kum kawei na ki nonglam khmat ha ka ïew ha kaba ïadei bad ki kam Insurance.