Raipur, Lber:
Ha u Kyllalyngkot mynta snem, u Myntri jong ka sorkar kmie uba dei khmih ïa ka tnat ki kam pohïing u Amit Shah u la pynïaid ïa ka jingïalang bad ki heh saipan ha Raipur halor ki kam pyntriem jong ki lehnoh ha kaba u la ong ba ïa ki Naxal la dei ban pynduh jait noh shi syndon ha kine ki lai snem ban wan.
U Myntri ka kynhun Cabinet jong ka sorkar Chhattisgarh u la dep ban rai ha ka ban buh da ka kynhun State Investigation Agency (SIA) na ka bynta ban lah ban pynsted ha ka jingpynlong ïa ka jingtohkit bad ka jingbuddien halor ki bynta ba kyrpang ba ju leh ha ki kam pyntriem jong ki lehnoh ha ka jylla.
Ka kynhun SIA kan sa treikam kum ka kynhun Nodal Agency jong ka jylla na ka bynta ban ïatreilang bad ka kynhun National Investigation Agency (NIA). Na ka bynta kane, ki la don baroh kumba 74 tylli ki Post bathymai kiba lait kaba long kawei ïa kaba la wanrah na ka bynta ka kyrdan Superintendent of Police.
Ki shipai ïada ri ki la shah pynbor ba kin sangeh ha ka ban leit tur pyrshah ïa ki lehnoh bad ïa kiba bun ki shipai ïada ri kynthup jong ka sorkar kmie la pyntreikam ha ka thaiñ ba kham shah ktah jur ha ki lehnoh Naxal ha Bastar kaba don ïa 7 tylli ki distrik.
