Tura, Lber:
U nongïalam ka BJP bad MDC ka Tura, u Bernard Marak ha ka Sngi U Blei u la dawa ban pynsangeh mardor ïa ki kam khaïi kwai be-aiñ na bynta ka bha ka miat jong hajar tylli ki longïing ka Ri-lum Garo kiba shaniah ha ki jingthung jong ki.
“Mano ba don bynta ha kane ka kam khaïi kwai be-aiñ ha Ri-lum Garo? Ka kam khaïi kwai be-aiñ ka la ktah shi kat dei ïa ki hajar tylli ki longïing ha ki thaiñ nongkyndong naba ym don nongthied shuh ha Ri-lum Garo,” la ong u Bernard.
Utei u nongïalam ka BJP u la kam ruh ba ka jingshalan tuh ïa u kwai Burma lyngba ki khappud Bangladesh la shalan da ka kynhun ki nongkhaïi na Meghalaya bad Assam, ha kawei ka liang kaba la knieh lut ïa ka ïew kaba ju die ïa u kwai na Ri-lum Garo.
