Shillong, Lber:
Ka HCLFoundation, kaba pynïaid ïa ka jingtreikam jong ka kompeni teknoloji ha ka pyrthei ka HCLTech ha India, mynta ka sngi ka pynbna ïa ki NGO kiba jop ha ka thup 2024 jong ka Flagship prokram ka HCL Tech Grant.
Ka HCL Tech Grant ka ai jingkyrshan ïa ki projek kiba ïalam lynti ha ka jingkyntiew ïa ki kam pynneh ha ki nongkyndong ha baroh kawei ka India halor ki phang ka mariang, ka koit ka khiah bad ka pule puthi.Haduh mynta, `146.95 klur (kumba. $18 million) la dep ban ïarap da ka HCL Foundation lyngba ka HCLTech Grant. Kane ka prokram ka la ïarap ban pynkylla lajan 2 Million ki briew ha palat 27,500 tylli ki nongkyndong ha India. Ban tip shuh shuh shaphang ka HCL tech Grant, peit ha ka :www.hclfoundation.org/hcltech-grant.
Ki NGO kiba la shahjied ban ïoh `16.5 klur (kumba. $2 million) na ka bynta ki projek kiba ïadei bad ka jingpynneh pynsah ïa ki jingim bad ïa ki jinglong jingman ha ka jingkoit jingkhiah ha ka bor pyrkhat jong ki kmie hashwa bad hadien ba la dep kha bad ka jingsumar ïa ki khyllung khynnah ha ki nongkyndong ka ri India.
Mynta u snem, lai tylli ki NGO – Ka Corbett Foundation (mariang sawdong), Sangath (ka koit ka khiah) bad Makkala Jagriti (pule puthi) – kin ïoh `5 klur (kumba $609,000) kawei kawei na ka bynta ki projek jong ki kaba saw snem.
Ka Corbett Foundation’s Guardians of Grasslands ka peit ïa ka jingpynneh pynsah ïa ki Great Indian Bustard bad kiwei ki jingthaw kiba ïadei kiba lah ban jah noh ha ki 16 tylli ki shnong ha Kutch district ka Gujarat.
Ka Sangath projek EMPOWER ban ïarap ïa ka jingnoh mynsiem ne sngewsih jong ki kmie hashuwa ban kha ne hadien ba la dep kha bad ka jingduna bam ha ki nongkyndong jong ki lai distrik ka Madhya Pradesh.
Ka Makkala Jagriti projek ka ban pynkylla ïa ka jinglong jongman ki anganwadi (ki jaka sumar khynnah ha ki nongkyndong) ban ai ïa ka jingsumar bad jinghikai kaba paka ïa ki khynnah naduh ba dang lung ha ki 451 ki shnong ha Mysuru district ka Karnataka.
Nalor kine, hynriew tylli ki NGO kin ïoh ïa ki jingïarap pisa ba `25 lakh (kumba. $30,500) kawei kawei na ka bynta ki projek jong ki kaba shisnem, kiba kynthup ïa ka Ka Mariang Sawdong: Lokpanchayat bad MUKTI, Ka Koit ka khiah: ECHO India (Extension for Community Healthcare Outcomes) bad Social, ka Revival Group jong ka Urban Rural and Tribal – Korba
Ka pule puthi: Shishu Sarothi Centre for Rehabilitation and Training for Multiple Disability bad Sri Aurobindo Society
“Ka HCLTech Grant kam dei tang kata ka CSR fund; Ka dei na ka ka bynta ban ai jingithuh ïa ki NGO ka India ha baroh kawei ka pyrthei kiba trei ïa ki kam kiba khraw ha ka liang ka jingkyntiew ïa ki nongkyndong. Ka pynshlur ban ïasam ïa ki jinghikai kiba bha ha ka liang ka Mariang, ka Koit ka khiah bad ka Pule puthi – ki kam kiba wanrah ïa ka jingkylla ha ka jingim. Ka jingtrei kaba satar ha ka shi snem ha kane ka jingpynïaid ïa ka kam ka kynthup ïa ka jingjied ïa ki nongthep, ka jingtrei kaba ïaid beit ïaid ryntih, ki jingleit jngoh ïa ki jaka, ka jinglum jingkheiñ bad ka jingbishar bniah kaba pynthikna ïa ka jinglong khuid ha ka jingjied ïa ki nongjop”, ong ka Ms. Robin Ann Abrams, Chairperson, HCLTech Grant Jury bad Board Member, HCLTech.
Ka Dr. Nidhi Pundhir, Vice President, Global CSR, HCLTech bad Director, HCLFoundation ka ong; “Ki nongjop ïa ka HCLTech Grant Edition IX ki pyni nuksa da ki kam bad jingaiti lut ha la ki jong ki kam, kiba ïarap ban pynbeit ïa ki jingeh kiba khraw ba la mad da ki nongkyndong ka India. Ki kam jong ki, ki ïadei bha bad ki jingthmu kiba kongsan jong ngi, bad ngi sngewskhem ruh ba kine kin wanrah ïa ki jingpruid lynti kiba khraw ha ki kam jong ki ha la liang ka jingkynthuplang bad ka roi ka par kaba ïaineh. Ka HCL Foundation ka kular skhem ban pynkupbor ïa ki NGO lyngba ki jingïasnohkti lang bad ki lad jingai jinghikai. Ngi baroh lang, ngin nang bteng ban ïalam lynti sha ka jingpynkylla ïa ki nongshong shnong ha ki nongkyndong”
Ka HCLTech Grant, ha ka jingpynmih ba 9 mynta u snem, ka la ïohpdiang kumba 17,000 ki nongthep kyrteng na ki NGO na baroh kawei ka India. Ka jingdon ki nongbishar kiba pawkhmat kiba donkti ha ka jingïajied ki kynthup ïa u Mr. Shiv Nadar, Nongshem, ka HCL Group bad Chairman Emeritus bad Strategic Advisor sha ka Board ka HCLTech; Ms. Robin Ann Abrams, Chairperson, HCLTech Grant Jury & Board Member, HCLTech; Dr. Richard Lariviere, Sanskrit Scholar & President Emeritus, The Field Museum, Chicago; Mr. B. S. Baswan, Director Barim, Indian Institute of Public Administration bad Human Resources Development Secretary Barim; Ms. Pallavi Shroff, Managing Partner, Shardul Amarchand Mangaldas & Co.; Mr. Suresh Narayanan, Chairman bad Managing Director, Nestle India Limited. U ba don bynta ha ki kam pynïaid jong ka HCLTech Grant u Grant Thornton u peit ïa ki jingkheiï jingdiah kiba ïadei ha ka jingpynïaid ïa ka jingjied.
Ha u Nailur 2023, ka HCLTech ka la pynmih ïa ka HCLTech Grant ha ka prokram ka America ban ïarap pisa ïa ki NGO kiba ïakhun ïa ka jingkylla jong ka suiñbneng bad ban pynïoh biang ïa ki jingbha ha ka mariang sawdong bad ïa ki khlaw ki btap bad ki jingim kiba don ha ka ha baroh kawei ka America. Ka HCLTech ka la ïarap $5 million ha palat san snem ha kane ka prokram, ïa kaba la ïohi ïa ka jingshim bynta da baroh. Ka thup banyngkong jong ki nongjop yn sa pynbna ha ki bnai ki ban wan. Ban tip shuh shuh shaphang kane ka HCLTech Grant Americas, peit ha: www.americas-grant.hcltech.com.
