Shillong, Lber 11
Ka Shillong Lajong FC kan pynkhreh ïa ka jingïalehkai I-League ha la ïing pyrshah ïa ka Real Kashmir FC ha ka Sngi Balang ha ka por 7 baje janmiet ha SSA Stadium, Shillong.
Kumba ka paw ka Real Kashmir (34 point) ka dei ka kynhun kaba la don ha ka kyrdan balai bad duna 7 point ïa ka Mohammedan SC kaba dang lamkhmat ha kane ka lympung. Katba ka Shillong Lajong ka don ha ka kyrdan ba hynriew bad kamai 29 point na ki khatphra sien ïakhun.
Lah ban pynkynmaw ha ka jingïalehkai ba la lah ha Mizoram, ka Lajong ka la lah ban pynliem noh ïa ka Aizawl FC da 2-1 kol. Kumta kane ka kynhun hapoh ka jingïalam u Bah Bobby L. Nongbet (coach) ka la khmih lynti ban bteng biang ïa ka jingjop bad ruh ba kan ym bteng shuh kumba ka la shah pynïakhaid da mar 4-4 kol hashwa ban wai ha ka Rajasthan FC.
Ha kaba ïadei bad ka jingïalehkai ka jingïakhun, ki bor pynïaid kane ka klob ki la pynbna ba ka jingdie ïa ki tiket kan sdang naduh ka sngi Ba-ar na Electronic Centre (Police Bazaar), Cafe Shillong (Laitumkhrah) bad ruh na SSA Stadium Ticket Counter, Polo.
