Shillong, Lber 11
Ka kynhun ki ‘thei ïalehkai U-16 ka India ka la mad ïa ka jingshah rem biang ha ka Bangladesh lyngba ka tie-breaker da 3-2 kol ha ka jingïakhun final jong ka SAFF U16 Women’s Championship 2024 kaba la long ha ka sngi U Blei.
Wat la kane ka kynhun ïalehkai ka ri ka la lah ban ïalehkai bha ha kaba sdang hynrei ka la shah pynphai hashwa ban kut ka jingïakhun bad ban pynlong ïa kane ka jingïalehkai ban poi sha ka tie-breaker.
Ka ‘thei apkol ka Bangladesh ka Yearzan Begum ka la lah ban pynpaw ïa ka jingtbit ha kaba ka la lah ban pyllait na ka jingshah thep haduh lai sien ha ka tie-breaker bad kaba la lah ban pynurlong na ka bynta ban rah syndon ïa ka nam lahduh.
Haba phai sha katei ka jingïakhun, ka India ka la ïoh ban pynkhih jar nyngkong eh ha ka minit kaba 4 lyngba ka Anushka Kumari, hynrei na ka daw ka jingbakla thep hi da kawei na ki ‘thei ïalehkai ka India ka Shveta Rani (70’) ka la pynlong ïa ka Bangladesh ban pynïakhaid kylla.
